ஜனாதிபதி பிரணாப் மனைவி காலமானார்!

குடியரசுத் தலைவர் பிரணாப் முகர்ஜி மனைவி சவ்ரா முகர்ஜி உடல்நலக்குறைவால் இன்று காலமானார்.

குடியரசுத் தலைவர் பிரணாப் முகர்ஜி மனைவி சவ்ரா கடந்த சில நாட்களாக சுவாச கோளாறால் அவதிப்பட்டு வந்தார். டெல்லி ராணுவ மருத்துவமனையில் அனுமதிக்கப்பட்டு அவர் சிகிச்சை பெற்று வந்தார்.

இந்நிலையில், சவ்ரா முகர்ஜி இன்று காலை சிகிச்சை பலனின்றி உயிரிழந்தார். 

அவரது மறைவுக்கு பிரதமர் நரேந்திர மோடி, காங்கிரஸ் தலைவர் சோனியா காந்தி, முன்னாள் பிரதமர் மன்மோகன் சிங் ஆகியோர் இரங்கல் தெரிவித்துள்ளனர்.