வணிகம் செய்ய சிறந்த நாடுகளுக்கான பட்டியல்: மிகவும் பின்தங்கிய நிலையில் இந்தியா!

உலகிலேயே வணிகம் செய்ய சிறந்த நாடுகளுக்கான பட்டியலில், மிகவும் பின்தங்கிய நிலையில் 97வது இடத்தை இந்தியா பிடித்துள்ளது.

வணிகம் செய்ய சிறந்த நாடுகளுக்கான  பட்டியலை, அமெரிக்க வணிக இதழான ஃபோர்ப்ஸ் பத்திரிக்கை ஒவ்வொரு ஆண்டும் பட்டியலிட்டு வெளியிட்டு வருகிறது. அதன்படி 2015-ம் ஆண்டுக்கான பட்டியலை தற்போது வெளியிட்டுள்ளது.

மொத்தம் 144 நாடுகள் கொண்ட இந்தப் பட்டியலில் இந்தியா மிகவும் பின்தங்கிய நிலையில், அதாவது 97-வது இடத்தில் உள்ளது. இந்த பட்டியலில் டென்மார்க் முதலிடத்தைப் பிடித்துள்ளது. 

உலகின் நிதி தலைநகராகவும், மிகப் பெரிய பொருளாதாரா நாடாகவும் திகழும் அமெரிக்கா (17.4 டிரில்லியன் டாலர்) கடந்த ஆண்டைவிட 4 இடங்கள் பின்தங்கி தற்போது 22-வது இடத்தை பிடித்துள்ளது. இந்த பட்டியலில் சீனா 94 வது இடத்திலும், தென் ஆப்பிரிக்கா(42), இலங்கை(91), பாகிஸ்தான்(103), பங்களாதேஷ் 121வது இடத்தையும் பிடித்துள்ளன.