காரில் ஒரு மைக்ரோ ஃபைபர் துணியை வைத்திருப்பது நல்லது. ஏனேன்றால், காரின் விண்டுஷில்ட் மற்றும் ரியர் வீயு கண்ணாடிகளில் தேங்கியிருக்கும் நீரை, கண்ணாடியில் கீறல் விழாமல் துடைப்பதற்கு உதவும்.
மேலும் வீடுகளில் நாம் அன்றாடம் பயன்படுத்தும் பூச்சிக் கொல்லிகளை, காரின் ஏசிவென்ட்களில் ஸ்பிரே செய்வது முலம், கெட்ட மாசுபட்ட காற்று மற்றும் சிறிய பூச்சிகள் காரினுள் நுழைவதை தடுக்கலாம்.
கார் கதவில் உள்ள பவர் விண்டோ மோட்டாரில், நீர் புகுந்து பிரச்சனை ஏற்பட்டு, அதனால் கதவு மற்றும் கண்ணாடியை திறக்க முடியாவிட்டால், அதனை உடைப்பதற்கு கையடக்க சுத்தியல் ஒன்றை உடன் வைத்திருப்பது நல்லது.
கீரிசுக்கு பதிலாக, வேசலின் போன்ற பெட்ரோலியம் ஜெல்லியை பேட்டரி டெர்மினல்களில் பயன்படுத்தலாம். மேலும் கிழே விழுந்து கிடக்கும் பவர் கேபிளோடு காருக்கு தொடர்பு ஏற்பட்டால், காரை விட்டு வெளியே செல்லக்கூடாது. அப்படி வெளியேற வேண்டிய சந்தர்ப்பம் ஏற்பட்டால், கதவை திறந்து உடனே வெளியே குதித்து விட வேண்டும். எக்காரணம் கொண்டும் காரை தொடக் கூடாது.
கார் ஓட்டும் போது, நமது கவனம் சாலையில் தான் இருக்க வேண்டுமே தவிர, மழையை ரசிப்பதில் இருக்கக்கூடாது. நீங்கள் நெடுஞ்சாலையில் அதிகமாக காரை பயன்படுத்துபவர் என்றால், காரின் முன்பக்க மற்றும் பின்பக்க பம்பர்கள் மற்றும் கதவுகளில், ரிஃப்லெக்டர்கள் ஒட்டுவது நல்லது.
காருக்கு உள்ளே, சிறிய வெக்யும் கிளினர் மற்றும் வாசனை திரவியத்தை எப்போதும் வைத்திருப்பது, காரின் இண்டிரியரை தூய்மையாக வைத்திருக்க உதவும்.
காரின் சஸ்பேன்ஷன் ஸ்பிரிங்குகள் மற்றும் டைராடுகள், சுத்தமாக துரு மற்றும் மண்இல்லாமல் இருப்பது, காரின் கையாளுமை மற்றும் ஓட்டுதல் தரத்தை மேம்படுத்தும்.
எமர்ஜென்சி லைட், கயிறு, குடை மற்றும் அடிப்படை மருத்துவ சாதனங்கள் அடங்கிய முதலுதவி பெட்டி ஒன்று, காரின் உள்ளே இருப்பது, ஆபத்தான சமயங்களில் கைகொடுக்கும்.
கார் கதவுகளில் வைசர் மாட்டினால், கார் கண்ணாடிகளில் நீர் படாமலிருக்க உதவும். மேலும் மல்ட்டிபிள் பின் போன் சார்ஜர் ஒன்று அத்தியாவசியம் இருக்க வேண்டும்.தேவையான அளவு குடி தண்ணிர் பாட்டில்களில் எப்போதும் வைத்திருக்க வேண்டும்.
காரின் அனைத்து வீல்களிலும், மட் ஃபிளாப் மாட்டுவது அவசியம். அது சாலையில் செல்லும் போது, மற்றவர்கள் மீது சேறு தெரிக்காமல் இருக்க உதவும்.
No comments:
Post a Comment